ليه بنهتم بدراسة تكاليف الجودة ..

 ليه بنهتم بدراسة تكاليف الجودة ..

بكل بساطة لأننا كمسؤلين جودة دائما بنتكلم عن الاشياء زى جودة المنتج .. شكله .. احساس الناس بيه .. الفقد.. وغيره كتيير من الأشياء اللى حوالينا ...

لكن المدراء التنفيذيين متعرفش الكلام كل اللى يعرفونه لغة المال وبس .. المكسب .. الخسارة .. الحصة السوقية .. وغيرة ..

علشان تقدر توصل ليهم بجد لازم تحول كلامك عن الاشياء للغة المال .. علشان كده تكاليف الجودة بتمثل المقياس اللى بيحول كل مجهوداتنا عن تطوير وتحسين وقياس الاشياء اللى حوالينا للغة فلوس يفهمها الكل ويسعى أنه يقلل منها ..

علشان كده المرة اللى جاية لما تيجى تكلم المدير التنفيذى عندك جهز تقرير عن تكاليف الجودة الفقيرة عندك ( يعنى تكاليف الهدر - تكاليف الفشل الداخلى والخارجى ) ووضح أنه لو تم تنفيذ برنامج وقائي مناسب + برنامج تقييم مناسب بتكلفة معقولة هتقدر توفر على الشركة تكلفة الجودة الفقيرة اللى ممكن توصل إلى ٣٥% من إجمالى المبيعات ... وقتها بس هنشوف اد ايه كلامك ده هيدخل دماغ المدير التنفيذي وهيشجعك انك تستمر ..

لو عايز تعرف اكتر شاركنا فى برنامج مهندس جودة محترف ..